बहरला आहे गच्चीवर पारिजातक छान
प्रत्येक फांदीवर फुलांचे तुरे झाडाची शान
रोज़ सकाळी फुलांनी परडी हळूवार भरते
सुगंधानी फुलांच्या माझे मन कसे दरवळते ।।१!!
नाज़ुक किती पण कसे हे लाख मोलाचे
सत्यभामेसाठी कृष्णाने आणले फूल स्वर्गाचे
मोत्या पोवळ्यांचा जणू सड़ा गच्चीवर पडतो
सुगंधानी सारा परिसर दशदिशांनी दरवळतो।।२!!
रांगोळी या फुलांची शोभते कशी देवासमोर
रेशमी धाग्यात गुंफलेल्या फुलांचा मान तसवीरवर
नवल फुलांच्या सुंगधाचे संपूर्ण परिसर दरवळतो
जाणारा येणारा झाडाचा शोध घेत फिरतो!!३!!
कृष्णानी झाड़ लावले अंगणी सत्यभामेच्या
फुले मात्र पड़ायची अंगणी रुक्मीणीच्या
नवल वाटें सत्यभामेला ही किमया पाहतांना
कळले प्रेमाला थारा नाही अहंकार असतांना ।।४!!
No comments:
Post a Comment