गुलमोहर आणि जादू

आज गुलमोहर कड़े गेली नज़र

जादू ही कशी ,मनाला आला बहर

काल परवा तर हा होता सुकलेला

आज कसा हिरवा हिरवा दिसतो झालेला !!१!!

ही किमया केवळ त्या निसर्गा ची

वसंतानी चाहुल दिली आपल्या आल्याची

एक पान नव्हतेअचानक झाले हिरवे

वाटे झाडावरुन सर्व आोवाळून टाकावे!!२!!

त्या दिवशी दोन गुलमोहर ताठ उभे होते

होते भलेही सुकलेले आपल्यातच मग्न होते

अचानक तीन चार लोकं कु-हाड घेऊन आले

झाडाच्या आडव्या पसरलेल्या फांद्या छाटू लागले !!३!!

किती नीटनेटके त्यांनी झाडाला होते केले

एकही नव्हते पान पण सर्व बाजूंनी सुडौल झाले

आता ऊन पहा कसे जादु करते त्याच्यावर

हलका हिरवा गडद करते फांद्या फांद्या वर!!४!!

मग येईल उन्हाळा कडक तापेल वातावरण

लाल पिवळा रंग लेवून बहरेल फांदीचा कण कण

पुन्हा होईल जादू बहरुन जाईल संपूर्ण वृक्ष

आपल्या बरोबर जगाने हेच त्याचे लक्ष!!५!!माधुरी!!