सुगंधी नाज़ुक पांढरी शुभ्र जाईं जुई
हिला पाहून मन कसे हरखून जाईं
हिरवे गार चमकदार पान ह्या वेलीचे
शोभती त्या मधे गुच्छ ह्या फुलांचे !!१!!
नाज़ुक पाकळ्यांचे नाज़ुक फुल सुगंधी
कळ्यांच्या गज-यांची वर्णावी कशी धुंदी
जोड़ी ह्या फुलांची एकमेकाच्या सोबतीला
जाईं जिथे उपस्थित जुई लावी हजेरीला!!२!!
देवी देवतांच्या मस्तकी मुकुट ह्या फुलांचा
सुगंधानीआपल्या गाभारा भरती देवाचा
सरस्वती देवीचा साज शुभ्र उज्वलतेचा
जाईजुईच्या फुलांनी खुले रंग सौंदर्याचा !!३!!
वेलीवर हिरव्या शुभ्र फुले शोभती जशी
निळ्याआकाशी चांदण्या शोभती तशी
सुगंधी फुले अर्क देती अत्तर बनविण्यासाठी
अलौकिक हे दान त्यांचे देवमानवा साठी !!४!!
असो उन्हाळा पावसाळा ऋतु हिवाळा
धवल सुगंधी जाईजुईचे हार देवतांच्या गळा
शुभ्र सुगंधी धवलतेचे हिला निसर्गाचे वरदान
जाईजुईची वेल आपल्या बागेची शान !!५!! माधुरी !!
No comments:
Post a Comment