एक नार चालली माळून अबोलीचा गजरा
वारंवार तिच्यावर वळती अनेकांच्या नजरा
जो तो मागतो अबोली मोग-याची वेणी
खरच अबोली चे फुलं आहे मोठे गुणी-!!१ !!
अबोली फुलांचा रंग आहे मोठा ख़ास
गुलाबी भगवा मिसळीचा होतो आभास
सुंदर आकार डौल नितळ पाकळ्यांचा
कोशात उभे रुबाबात बाणा निर्मळतेचा !! २ !!
बाराही महीने या फुलांना येतो सदा बहर
सेवेला सर्वांच्या सकाळ संध्याकाळ हज़र
हवा पाणी असो कसेही थंडी वारा पाऊस
आमच्या अबोलीला सतत हसायची हौस !!३ !!
लेकुरवाळी आहे वरदान तिला देवाचे
पाणी पडताच रोपावर बीज होते मातीचे
एकाचे चार होतात बहर येतो फुलांना
कमी न होता फुलांची आनंद मिळतो सर्वांना !!४ !!
सुगंधाचा अभाव म्हणून का नाव अबोली
सर्वांच्या मनात आपल्या रंग रुपाने सजली
देव मानव सर्वाच्याच सेवेत सदा असते
अबोली नाव सार्थक तिला सर्वांसाठी झटते !!५!!
No comments:
Post a Comment