अलौकिक कमळ

अलौकिक कमळ
लाल सुंदर कमळ देवी लक्ष्मीचे आसन आहे
विष्णु भगवान च्या एका हाती कमळाचे फूल आहे
सृष्टीरचयिता ब्रह्माला कमलासन प्रिय आहे
श्वेतवस्त्रा सरस्वतीला श्वेत कमळ प्रिय आहे!!१!!

देवाधिकांचे आवडते हे फूल किती अलौकिक
ऐकावे तेवढे नवल असा याचा लौकिक
चिखलात जन्म अन् वाढ ,रुप सुंदर किती
चिखलातून पाण्यावर उभे स्वच्छ निर्मळअति !!२!!

सूर्यकिरण येताच कळी कमळाची खुलते
एक एक पाकळी हसत हसत पूर्ण कमळ उमलते
थेंब एकही पाण्याचा स्पर्शत नाही फुलापाना
अलिप्त राहून कार्य करणे हीच शिकवण सर्वांना!!३!!

कमलदलाची उपमा देतात सुंदर डोळ्याना
कमलनयन सुंदर विष्णु आवडतो सर्वांना
कमळांचे हार देवाधिकांच्या कंठी शोभतात
कमळ फुलांचे सौंदर्य सा-या जगी नावाजतात!!४!!

अश्या या गुणांनीच लाडके हे फूल सर्वांचे
गुलाबी कमळ आहे प्रतिक आपल्या देशाचे
सुगंध याचा भंुग्याला कोशाकडे खेचतो
सांज होता कमळाच्या बाहेर येण्यास विसरतो!!५!!

असे हे अलौकिक कमळ अनेक रंगाचे असते
देवाधिदेव महादेवाला नीलकमल आवडते
फुलांची परडी अनेक रंगाच्या कमळांनी भरावी
अन् अश्या रंगबिरंगी कमळांनी चैत्रगौर सजवावी!!६!!माधुरी!!