मोगरा
मोगरा मला ज्ञानेश्वरांची करुन देतो आठवण
लताच्या मधुर स्वरकळ्यांची त्यात होते पखरण
मोगरा माझ्या माहेरची पण आठवण करुन देतो
पानोपानी बहरलेला मोगरा दृष्टि समोर येतो !!१!!
मोती अन्् मोगरा प्रतिक सौंदर्य सुगंधाचे
मोग-याचा गजरा सौंदर्य खुलवतो रमणीचे
मोत्याचे दागिने न आवडणारी विरळाच असते
सुगंध मोग-याचा वातावरण शीतल करते!!२!!
अश्या सुगंधी मोग-यानी भरुन जातो देव्हारा
नुसत्या आस्तितवाने त्याच्या कमी होतो उकाडा
खूप उन्हाळा खूप सुगंध समीकरण टपो- या फुलांचे
एक सुगंधी गजरा जुळवितो मनं प्रेमी युगुलांचे !!३!!
हिरवी गार पानं त्यात घोस शुभ्र फुलं कळ्यांचे
उमलत्या कळ्या सुगंधी हवा सौंदर्य निसर्गाचें
उपयोगी पाने फुलेही औषधं झाडाचे घरच्या घरी
बनवूनी फुलांचे अत्तर मानव दर्शवी जादुगरी!!४!!
उन्हाळा हिवाळा पावसाळा ऋतु असो कोणताही
निसर्गाच्या जादुई जगात कशाचीही कमी नाही
बटव्यातून काढले शुभ्र सुगंधी फुल मोग-याचे
निसर्गाचे वरदान घेऊनी वैभव वाढवूया त्याचे!!५!!माधुरी!!
